NAKAKUHA ng puwesto ang Gilas Pilipinas Youth sa FIBA U17 World Cup makaraang pataubin ang Japan, 64-59, sa quarterfinals ng FIBA U16 Asian Championship sa Al-Rayyan Indoor Hall nitong Sabado sa Doha, Qatar.
Nanguna si Kieffer Alas para sa Batang Gilas na may 29 points, 9 rebounds, at 3 assists.
Nalimitahan sa 9 points lamang sa second quarter at naghahabol sa 35-25 sa halftime, na-outscore ng Batang Gilas ang Japan, 21-10, sa third quarter upang kunin ang 46-45 kalamangan papasok sa fourth quarter.
Tinangka ng Gilas Youth na lumayo makaraang maitarak ang 60-55 kalamangan, may 3:04 ang nalalabi sa final quarter, subalit ang back-to-back layups ang naglapit sa Japan sa isang puntos, 60-59, may 1:59 sa orasan. Gayunman ay dalawang beses na nakita ni Alas na libre si Bonn Daja sa loob para sa back-to-back baskets sa sumunod na dalawang plays upang tulungan ang koponan na makalayo sa Japan.
Nagdagdag si Joaquin Ludovice ng 11 points, 3 rebounds, 1 assist, at 2 steals para sa Gilas Youth.
Susunod na maka- kaharap ng Batang Gilas ang Australia sa Linggo ng umaga (PH time) sa semifinals.
Gaganapin ang World Cup sa Turkey sa June 29-July 7, 2024.
Ang pinakamagandang pagtatapos ng Pilipinas sa U17 World Cup ay noong 2018 nang pumang-13 ito.
Related posts:
BATANG GILAS ‘DI NAKAPORMA SA AUSTRALIA
BROWNLEE, STANDHARDINGER PANGUNGUNAHAN ANG GILAS 12 SA SEA GAMES
GILAS BABAWI, SEMIS AASINTAHIN
LAKERS, HEAT SA CONFERENCE FINALS
NUGGETS NAKAUNA SA LAKERS
DEVELOPMENTAL BASKETBALL TEAM ISABAK SA SUSUNOD NA SEAG – CHOT
D-LEAGUE: RED LIONS SA PLAYOFFS
SWAP (Belo sa Rain or Shine, Torres sa Meralco)