SASABAK na ang Cignal HD sa Premier Volleyball League (PVL) makalipas ang walong seasons na paglal-aro sa Philippine Superliga (PSL).
“We are excited to announce that the Cignal HD Spikers are officially joining the PVL,” pahayag ng koponan sa kanilang official Facebook page.
Nauna nang inanunsiyo ni PVL president Ricky Palou na inaasahang aanib ang Cignal HD sa liga, kasama ang isa pang koponan mula sa PSL, ang PLDT.
Sa kanilang pagpasok ay 10 na ang koponan sa PVL bago ang first season nito bilang isang professional entity.
Sasamahan ng Cignal HD at PLDT ang Creamline, PetroGazz, Bali Pure, Choco Mucho, Chef’s Classic, Perlas, at Peak Form.
Ang Cignal HD ay isa sa inaugural members ng PSL nang una itong buuin noong 2013. Sa naturang season ay naging runners up sila sa Grand Prix.
Comments are closed.