ELLEN ADARNA MAY IPINALIT NA AGAD KAY JOHN LLOYD

MARAMING  katanungan  ang  naglabasan  matapos  na makita  sa  social media  account  ni Ellen Adarna na may kasamang lalaki na ang dating sa mga mapaglarong isip ay mistulang dyowa  raw ng sexy actress.

Nasa  Central  America in Madrid si Ellen kung saan kasama nga niya ang mahiwagang lalaki na pinaghihinalaan ng iba ay siyang  kapalit ni  John Lloyd  sa puso ng controversial actress. Although may mga kasama  rin si Ellen na mga kaibigan sa naturang lugar.

Matatandaang  late  last  year  nang  kumalat ang balitang hiwalay na sina Ellen at Lloydie kung saan nagkaroon sila ng isang anak na si Elias  Modesto.

Sigurado  kapag  nagkaroon ng pagkakataon ang press na makita si Ellen ay uuriratin  ito ng  katanungan  kung  ang  naturang  lalaking kasama  niya  sa  pictorial  sa  Madrid Spain ang kapalit  ni  Lloydie  sa kanyang puso.

Ang larawan  na ipinost ni Ellen na magkasama  sila  ng mahiwagang  lalaki  ay  dinagsa  ng comment  ng kanyang followers at friend ng puro puso.

Last August,  sumabog  ang balitang  nagi­sing  na lang daw isang araw si Ellen  na  ayaw  na  niya  kay  Lloydie. Si Ellen daw diumano ang nakipagkalas  kay  Lloydie.

Kaya  pala  biglang  nagka-interes  muling  bumalik sa pag-arte si Lloydie ay hiwalay na nga sila ng former sexy actress na kahit nagkaanak ay naroon pa rin ang kaseksihan at karisma sa barakong followers.

LOVI POE NANGGULAT SA SOCMED NG KANYANG SEXY PICS 

KASABAY  ng  pagsalubong  ng Chinese New Year  ay  nanggulat  din si Lovi Poe  sa social media  ng mga revealing photos sa kaniyang  Instagram post ng pictorial  session niya  para sa Bench.

Kilala si  Lovi sa walang inaatrasan na mga sexy pictorial basta hindi bastos ang da­ting. At tulad ng dati ay mu­ling nagulat ang netizens sa mga sexy pictorial ng actress na kung saan ay halos makita na raw ang pinakakaingatan ng mga kababaihan na makita.

Takaw-pansin nga  ang suot niyang  super kitid na black  bikini  bottom na kapag kasing ganda at kasing sexy ni Lovi ang magsusuot ay siguradong  matitigilan ka para pagmasdan.

Panay  puri  nga  kay  Lovi  ng  followers niya  dahil sa kaseksihan  at  mapangahas  niyang  magsuot  ng  daring bikini.

Mapapatanong  naman ang diehard fans ng kanyang  yumaong  ama  na si Da King Fernando Poe Jr. ng, “Ano kaya ang magi­ging reaction ni Da King sa pictorial ni Lovi Poe kung nabubuhay pa ito?”