HANGZHOU, Zhejiang — Pumangatlo si Jericho Francisco Jr. at pumampito si Mazel Paris ‘Maze’ Alegado sa skateboarding park qualification ng 19th Asian Games nitong Linggo sa QT Roller Sports Centre dito sa China.
Nagbaon si Francisco, 21, at taga-Carson, California ng 77.86 sa run 2 mula sa 2.06 sa run 1 sa likuran nina Yuro Nagahara (43.13, 81.80 points) at Kensuke Sasaoka (43.13, 79.81) ng kapwa Japan.
Nasa Top 8 din sina Chinese Ye Chen 76.58, 56.10), Koreans Jin Han Jae (57.06), 51.10) at Gang Ho Moon (54.23, 25.18), hometown bet Mingxiao Li (44.71, 52.11) at Brian Upapong ng Thailand (2.00, 47.46).
Pumoste si Alegado ng Fontana, CA ng 56.96 sa run 2 makaraang mag-44.86 sa run 1.
Si Hinano Kusaki ang nagbida sa qualification sa 78.06 pts., kabuntot sina Mao Jiasi ng host country (77.06) at kababayang si Kusaki na si Mei Sugawara (75.33).
Pasok din sina Hyunju Cho ng Korea (70.36), Yi-Fan Lin ng Taiwan (62.00), Indonesian Bunga Nyimas (41.30) at Thai Orapan Tongkong (36.51).
Papalag sa gintong medalya sina Francisco at Alegado na mga suportado ng Philippine Sports Commission at Philippine Olympic Committee ngayong Lunes, alas-12:30 ng tanghali, sa men’s event finals habang alas-9:30 ng umaga ang women’s side.
Martes pa ang rampa ni Margielyn Didal kasama sina Mark Renzo at John Flory sa women’s at men’s street heat.
Si Didal ang defending champion sa kanyang event, sinungkit ang gintong medalya sa 2018 Jakarta-Palembang Asiad.
Related posts:
DIDAL, FELICIANO SA SKATEBOARDING STREET FINALS
DIDAL TALSIK SA TRONO
MARCIAL PUNTIRYA ANG FINALS, OUTRIGHT BERTH SA PARIS OLYMPICS
PH MEN’S 4X400 TEAM SA ASIAD FINALS
ASIAD: BEST TEAM BUBUUIN NI CONE
GILAS MEN, WOMEN MAGSASAGAWA NG JOINT PRACTICE PARA SA ASIAD
(PSC chair sa Asiad-bound athletes) “BRING HOME THE GOLD”
ASIAD: ABUEVA, ROMEO, PERKINS, TAUTUAA ‘OUT’ SA GILAS LINEUP