IMPORTERS NG BASURA NG CANADA TINUTUGIS

TINUTUGIS na ng mga awtoridad ang private importers ng basurang galing Canada na itinambak sa Filipinas.

Tiniyak ni  Justice Secretary Menardo Guevarra na pananagutin ng gobyerno sa kasong kriminal  ang  naturang importers.

Bukod dito,  ipasasagot ng pamahalaan sa nasabing mga importer ang storage fees, demurrage at iba pang land charges sa bas-ura.

Kahapon ay  tumulak na ang  barkong magbabalik sa Vancouver, Canada ng naturang mga basura.

Magkakaroon ng stop over sa pantalan sa China ang nasabing barko.

Nagbigay naman ng clearance ang China  para sa naturang transshipment.

Nauna rito ay nagalit si Pangulong Rodrigo Duterte dahil hindi inaaksiyunan ng Canadian government ang  nasabing mga bas-ura kaya nagdesisyon itong  ipabalik  na ito sa Canada kahit umano ang  Filipinas ang gumastos.

Gayunman, sinagot din ng Canada ang reshipment ng  mga basura na aabot sa P10 mil­yon.