JOHN LLOYD CRUZ TATAY NA ANG PEG

KINUMPIRMA ni Piolo Pascual na nakausap niya si John Lloyd Cruz nang makasama niya ito at si Bea Alonzo sa shooting ng isang commercial.

Sey pa niya, sa nakita niya sa actor, sobrang saya ng disposisyon nito at tila walang nagbago.

“Happy siya. You know, I was asking about his son. He was very vocal about his family,” aniya.

“So he’s in a good place. I think fatherhood changed him for the better. Not that he’s bad, but iba talaga ‘yung pakiramdam pag naging tatay ka, e. So. I guess, that’s what he has—privacy and, at the same time, he feels complete. That’s what I saw when I saw him,”dugtong niya.

Hirit pa niya, nami-miss din niyang katrabaho ang actor. Katunayan, siya ang huling nakatrabaho ng actor mula nang ito ay magpahinga at magkaroon ng indefinite leave sa showbiz.

Nagkasama sila noon sa pelikulang “Hele sa Hiwagang Hapis” at siya ang pansamantalang naidagdag na cast member sa dating weekly sitcom nito.

“Napakaliit talaga ng mundo, and Lloydie will always be a brother. We’ve started our careers together in this business 20 years ago. And siyempre, affected ka rin pag may nangyaya­ring hindi maganda sa kasama mo. Lloydie is one of our very competent actors in town, so sana bumalik siya,” ani Piolo.

Pagbabahagi pa niya, magbabalik-showbiz na raw ito dahil may gagawin itong pelikula na ididirehe ni Lav Diaz.

“He’s doing a Lav Diaz,” balita niya. “”Yeah, hopefully naman. Si Lloydie naman open naman siya, e. He loves his craft and hopefully one day we can work again together,” pahabol niya.

KAPUSO ACTORS VANESS AT MIKOY GUSTONG MAGING SCRIPTWRITER

KASAMA ang Kapuso actors na sina Vaness del Moral at Mikoy Morales sa Batch 22 ng Ricky Lee Screenwriting Workshop na nagsimula na kamakailan.

Star-studded ang nasabing batch dahil kabilang din dito ang mga director na sina Nestor Abrogena, Ara Chawdhury, Prime Cruz, Sheron Dauyoc, Siege Ledesma, Bradley Liew, Nick Olanka, Fifth Solomon at Jay Altarejos.

Kasama rin sa batch sina Bea Alonzo at Candy Pangilinan. Maging ang indie producer na si Bianca Balbuena at talent manager na si Noel Ferrer ay kasama rin sa naturang batch.

Ang iba pang workshoppers ng Batch 22 ay sina Shaira Advincula, Ryllah Berico, Jai Shane Cañete,  Tey Clamor, Nikki del Carmen, Jordan Dela Cruz, Jimmy Flores, Mike Mendoza, Monch Novales, Micheline Rama, Nikolas Red, Albert Bon Reyes, Pamela Reyes, Onay Sales, Daniel Saniana, Leah Jose Sebastian at  Chiara Zambrano.

Nauna na rito, naging workshoppers din ng beteranong Bicolano writer sina Xian Lim, Bea Padilla, Miles Ocampo.