KC CONCEPCION NAGPATUTSADA SA MGA ARTISTANG BUMABATIKOS KAY PRRD

DIRETSAHANG  sinupalpal ni KC Concepcion ang mga artista na walang magawa  kundi batikusin  ang Pangulong Rodrigo Roa Duterte. Sa halip daw sana na tirahin ay suportahan na lang daw ang Pangulo dahil hindi ganoon kadali  ang  ginagawang  pagpapasakit  at pagmamahal  sa ating lahat para maibsan at malampasn ang mga dinaranas nating sakit na buong mundo ay biktima.

Nagbigay ng words of wisdom si KC at nanawagan na  suportahan ang ating Pangulo kung wala rin lang daw maiaambag na tulong sa mga naghihirap nating kababayan.

“So many of us have opinions about how  this current  crisis  should  be  handled  in our country. And I`ve been  praying for our voices,  as  Filipinos,  to be heard  by our leaders….Nakakatuwa  lang isipin  na  sa ganitong  paraan, nakikita  natin kung paano tayo puwedeng  magtulungan  sa panahon na ito.

“Ang dami  ring NGO, LGU  at  essential workers na walang  pagod na kumikilos  at buong pusong humaharap  sa lahat ng pagsubok na ito.

“Lets  continue   praying   for our leaders in the Philippines  and  leaders all over  the world, who need  to make tough decisions  during  this  time. PH, We’re in this  together,” Instagram post ni KC Concepcion.

Samantala,  sinagot  ni KC Concepcion ang ilang katanungan, tulad  ng kung single ba siya ngayon? Kung naniniwala ba siya sa second chance?

Yes, single na single daw siya ngayon pero handa nang mag-asawa at naniniwala rin daw siya sa second chance kaya nagdiwang ang fans ni Piolo Pascual dahil may pagkakataon pa ring magkabalikan sila ni KC.

Kung pag-uusapan naman ang lockdown na pinaiiral ngayon sa ilang lugar sa ating bansa para masugpo ang pagkalat ng Covid-19 ay walang problema kay KC dahil lumaki  itong  independent  at naninirahang  mag-isa sa abroad.

Kaya  balewala kay KC kung  mananatili  siyang mag-isa lang sa bahay dahil alam na alam na nito ang lahat ng gawaing bahay.

Sana lang, matagpuan ni KC ang lalaking totoong magmamahal sa kanya at sasambahin habambuhay.

Marami nang pagsubok ang pinagdaanan ni KC  at nararapat lang na makahanap siya ng tunay na lalaking magmamahal at hindi siya lolokohin.