QUEZON – ISANG lalaki ang natagpuang wala ng buhay at nakasuot ng kulay asul na sando at maroon na short pants sa bahagi ng Brgy. Sipa bayan ng Padre Burgos kahapon ng gabi.
Hinala ng pulisya na na-summary execution ang biktima at itinapon lang sa kanilang lugar. Nakabalot ang buong mukha ng masking tape at nakagapos ang mga kamay at paa bukod pa rito ay may tama ng bala ng baril sa ulo.
Ayon pa sa pulis wala naman umanong narinig na putok ng baril ang mga residente na malapit sa lugar at walang mga nagkalat na dugo sa lupa ng datnan ito ng imbestigador.
Sa follow-up ng mga pulis nakilala ang bangkay ng lalaki na si Roberto Mendoza, 42 anyos, at residente ng Sitio Kalamyas,Barangay San Isidro, Candelaria, Quezon.
Ayon pa sa pulisya bago pa natagpuang patay si Mendoza ay nakita pa itong nakatambay sa kanilang barangay bago siya natagpuang patay sa bayan ng Padre Burgos.
Patuloy pa ang isinasagawang imbestigasyon ng mga awtoridad upang makilala ang mga salarin at mabatid ang motibo sa krimen. BONG RIVERA
Related posts:
LABI NG DATING ALKALDE “PINAG-AGAWAN” NG 2 BEBOT
HUBAD NA BANGKAY NATAGPUAN
BANGKAY NAKILALA SA TATTOO
LABI NG KELOT AT BEBOT NATAGPUAN SA ABANDONADONG TRUCK
BANGKAY NG BATANG BABAE NATAGPUAN
PITONG LABI NG TAO NATUNTON SA BANGIN
MGA LABI NG 300 PINOY SA SAUDI (Target maiuwi sa Hulyo 4)
SUNOG NA BANGKAY NG LALAKI NATAGPUAN
Comments are closed.