NORTH COTABATO – NASAWI ang mag-asawa sa ikalawang araw ng Bagong Taon makaraang salpukin ang kanilang motorsiklo ng isa pang motorsiklo sa bahagi ng Patulangon Road, Barangay Malasila sa bayan ng Makilala noong Miyerkoles ng gabi.
Kinilala ang mag-asawa na sina Rogen Bayod Fernandez, 26, mekaniko, at Stephanie Ventura Fernandez, 28, kapwa residente ng Palmera Drive, Batangay Poblacion.
Samantala, nakaligtas naman ang kanilang anak na anim na taong gulang.
Ayon sa police report, patungong Kidapawan City ang mga biktima nang banggain sila sa likuran ng isa pang motorsiklo.
Imbes na tumigil ay iniwan lang ang mga biktima ng hindi kilalang driver.
Sugatang nakaligtas ang anim na taong gulang na bata subalit idineklarang patay sa pagamutan ang mag asawa.
Patuloy namang nangangalap ng impormasyon ang pulisya para makilala ang suspek. MHAR BASCO
Comments are closed.