CAMARINES SUR – HINDI umubra ang pormang pagpalag ng isa umanong drug pusher nang mapaslang ito ng poseur buyer noong Sabado sa Naga City.
Habang dalawang drug personalities din ang nadakip sa hiwalay na buy bust operation sa nasabing lungsod nang araw ding iyon.
Sa ulat na nakarating sa PILIPINO Mirror, nagkasa ng operasyon ang Naga City police laban kay Roderick Alteza, 31-anyos, sa Barangay Sabang.
Gayunman, nang makahalatang mga pulis ang mga katransaksiyon nagpaputok umano ito gamit ang kalibre .38 na baril.
Gumanti ng putok ang mga pulis na ikinamatay ng suspek na nakuhanan ng hinihinalang sachet ng shabu
Samantala, sa Barangay Calauag, timbog naman si Jude Lizano, 21 anyos, matapos magbenta ng bawal na gamot sa undercover na pulis.
Nakuhaan ito ng 100 gramo ng shabu na nagkakahalaga ng P340,000.
Inaresto rin ang 21 anyos na asawa nitong kinilalang si Rommelyn. PILIPINO Mirror Reportorial Team
Comments are closed.