INIHAYAG ni Department of Health (DOH) Secretary Francisco Duque III na pinag-aaralan na nila ngayon ang posibilidad na isama sa travel ban ang Malaysia at Thailand sa gitna ng banta ng mas nakahahawang Delta variant ng COVID-19.
Ayon kay Duque, masusing minomonitor ng DOH Epidemiology Bureau (EB) ang COVID-19 outbreak sa ibang bansa.
Kabilang na, aniya, rito ang Malaysia at Thailand, kung saan tila hindi mapigilan ang pagdami ng mga tinatamaan ng Delta variant.
Sinabi ni Duque na posibleng magbigay ang DOH-EB ng rekomendasyon sa Inter-Agency Task Force on COVID-19 (IATF) kung daragdagan pa ang bilang ng mga bansang isasama sa travel ban.
“Tinitingnan natin Malaysia, isa-isahin natin. Tinitingnan din natin ang Thailand kung saan merong parang hindi na mapigilan ang pag-angat ng Delta variant cases. ‘Yan ang ating binabantayan,” anang kalihim sa Laging Handa briefing.
“Pinag-aaralan na rin po ‘yan ng Epidemiology Bureau ng DOH at posible na magbigay ng rekomendasyon para sa IATF kung hahabaan ba ang listahan ng mga travel ban sa mga bansa,” dagdag pa niya.
Ayon naman kay DOH-EB Director Dr. Alethea De Guzman, sa ngayon ay kalat na sa may 98 bansa ang Delta variant, na unang natukoy noong Disyembre 2020 sa India.
Gayunman, binigyang-diin ni De Guzman na ang dalawang dose ng COVID-19 vaccine ay nananatiling epektibo laban sa Delta variant.
Matatandaang una nang isinama ng IATF ang Indonesia sa listahan ng mga bansang sakop ng temporary travel ban.
Bukod sa Indonesia, kasama rin sa travel ban, na epektibo hanggang Hulyo 31, ang India, Pakistan, Bangladesh, Sri Lanka, Nepal, United Arab Emirates, at Oman. ANA ROSARIO HERNANDEZ
Related posts:
(Hanggang Hulyo 31) TRAVEL BAN SA 7 BANSA PINALAWIG PA
(Hanggang Agosto 15) TRAVEL BAN SA 10 BANSA PINALAWIG PA
(Hanggang Hunyo 15) TRAVEL BAN SA 7 BANSA PINALAWIG
(Pinag-aaralan ng IATF) TRAVEL BAN SA INDONESIA, MALAYSIA
(Ipatutupad sa Hulyo 25-31) TRAVEL BAN SA THAILAND, MALAYSIA
(Mula Set. 19 hanggang 30) TRAVEL BAN SA 4 BANSA
(Mula Enero 1 hanggang 15) TRAVEL BAN SA 6 BANSA
(Inirekomenda ng DFA chief) TRAVEL BAN SA INDIA
393921 382452Hello! I simply would like to give a huge thumbs up for the wonderful info youve here on this post. I may well be coming back to your weblog for much more soon. 289704
906298 337470There is clearly a good deal to know about this. I believe you created various very good points in capabilities also. 694755
578038 854415A good clear cut answer and a great concept. But how do I post any work on this website is yet another question. The Foureyed Poet. 688892
105813 835191This is excellent content material. Youve loaded this with valuable, informative content material that any reader can understand. I enjoy reading articles that are so really well-written. 463343