QUEZON CITY – APAT katao, kabilang ang drug pusher ang arestado sa buy bust operation ng awtoridad sa Old Balara.
Una nang inihayag ng Quezon City Police na si alyas Carlo, 26 anyos ang kanilang subject of operation na umamin na siya ang source ng ipinagbabawal na droga.
Inaresto rin ang mga parokyano nitong sina alyas Bryan, 20 anyos; Alyas Antonitte, 44 anyos; at alyas Jonas.
Gayunman, itinatanggi ng tatlo ang pagkakadawit nila sa ilegal na droga.
Nakuha sa mga suspek ang 12 sachet ng hinihinalang shabu at ang ginamit na buy bust money.
Napag-alaman na dati nang nakulong ang mga suspek dahil sa ipinagbabawal na droga, maliban kay alyas Jonas.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002. PILIPINO MIRROR REPORTORIAL TEAM
