REMITTANCES NG OFWs BUMULUSOK

SA IKALAWANG sunod na buwan ay bumaba ang remittances mula sa overseas Filipinos, ayon sa Bangko Sentral ng Pilipinas ((BSP).

Sa datos ng central bank, ang cash remittances — pera na ipinadaloy sa mga bangko — ay bumaba ng 1.7% sa $2.603 billion noong Enero 2021 mula sa $2.648 billion sa kaparehong buwan noong nakaraang taon.

Ang cash remittances mula sa land-based workers ay lumiit ng 2.4% sa $2.044 billion, habang ang mga galing sa sea-based workers ay tumaas ng 1% sa $58 million.

Ang January figure ay mas mababa rin sa $3.2 billion na ipinadala ng mga Filipino mula sa ibang bansa noong Disyembre.

Ang United States ang may pinakamalaking share na may 40.9%, sumusunod ang Singapore, Saudi Arabia, Japan, United Kingdom, Canada, United Arab Emirates, Qatar, Malaysia, at Taiwan. Ang pinagsamasamang remittances mula sa naturang mga bansa ay nasa 78.2%.

Samantala, ang personal remittances — ang kabuuan ng transfers na ipinadala ng cash o in-kind via informal channels — ay bumagsak ng 1.7% sa $2.895 billion noong Enero mula sa $2.944 billion.

Sa datos ng BSP, ang personal remittances mula sa land-based workers na may kontrata na hindi bababa sa isang taon ay bumaba ng 2.4% sa $2.219 billion mula sa $2.274 billion. Ang mga nagmula sa sea-based workers at land-based workers na may kontrata na mababa sa isang taon ay lumiit ng 1% sa $609 million.

2 thoughts on “REMITTANCES NG OFWs BUMULUSOK”