ROBIN PADILLA ISINUGOD SA OSPITAL

NEW Year`s resolution ni Robin Padilla ay magpa-rehab ng kanyang likod matapos na magpa-confine sa Jesus Delgado Hospital nitong Bagong Taon.

Ipinost nga ni Robin sa Instagram ang kanyang mga larawan na kung saan nasa hospital siya kasama ang ilang nurse at staff na nag-aasikaso sa kanya.

Isang infection ang tumama sa actor kaya isinugod siya sa ospital kung saan siya nag-celebrate ng Bagong Taon na malayo sa kanyang asawa at anak.

Plano ni Robin na magpa-rehab ng kanyang likod para maibsan ang matinding pananakit nito.

Nagpasalamat si Robin sa mga staff at nurse na siyang umasikaso sa kanyang habang naka-confine. Ganundin kay Senator Bong Go na dumalaw sa kanya sa ospital.

Malaking bagay raw para kay Robin ang ginawang pagdalaw sa kanya ni Senator Go dahil pinatawa siya ng husto at pinasaya habang nasa pagamutan.

Nanawagan din si Robin ng pagkakaisa ng mga mamamayan para sa ikauunlad ng bansa. Labanan ang talamak ng droga at maging aktibo sa paglaban sa mga masamang gawain ng mga naliligaw ng landas.

ICE SEGUERRA INATAKE NG HIKA

NASA ospital din si Ice Seguerra. Ipinost niya sa kanyang Instagram ang larawan na kung saan mayroon siyang oxygen mask sa bibig dahil inatake siya ng hika.

Nagawa pa rin nila maglambingan sa ospital ni Liza Dino-Seguerra kahit may oxygen mask si Ice.

“I`m a good patient, right Lablab? Liza Dino-Seguerra,” say ni Ice.

“Oo naman baby damulag,” sagot ni Liza na ikinaaliw at ikinakilig ng karamihan .

PAULO AVELINO BILIB KAY JOSHUA GARCIA SA PAGTULONG NITO SA AUSTRALIA

SA tweet ni Paulo Avelino ay humanga at pinuri niya si Joshua Garcia dahil sa ginawang tulong ng huli sa nagaganap na sunog sa Australia.

Deskripsyon nga ni Paulo kay Joshua ay mabait na puso hindi lang para sa bansa kundi sa buong mundo.

“Thank you @iamjoshuagarcia for being a kind hearted soul not just locally but globally. Hindi lang tayo puro tanggap, tumutulong din tayo,” say ni Paulo.

Hindi lang binanggit ni Paulo kung anong tulong ang ipinaabot ni Joshua para sa mga biktima ng sunog sa Australia. Ang sigurado ay nagbahagi ito ng monetary donation.

Dahil sa ginawang tweet ni Paulo ay dinagsa ng mga magagandang pahayag si Joshua.

Samantala, may nagtatanong naman kung puwede pa raw ba magtambal muli sina Joshua at Julia Barretto sa isang pelikula?

Totally raw ba apektado na ang tambalan nila magmula nang masangkot sa ibang actor si Julia.

Marami ang nanghihinayang sa showbiz career ni Julia na sa isang iglap ay nasira agad at nawala na ang ningning.