(Sa Nobyembre 6) MGA BATA MAY LIBRENG SAKAY SA MRT-3

MAG-BIBIGAY ng libreng sakay ang MRT-3 sa mga bata o yaong may edad 18 pababa sa Lunes, Nobyembre 6, bilang bahagi ng pagdiriwang ng National Children’s Month.

Ayon sa Council for the Welfare of Children (CWC), ang isang araw na libreng sakay ay magaganap mula alas-7 ng umaga hanggang alas-9 ng umaga at mula alas5 ng hapon hanggang alas-7 ng gabi.

“‘Yung mga bata po na covered nito ay mga nasa grade school hanggang senior high school, so below 18 years old,” wika ni Undersecretary Angelo Tapales, CWC executive director.

Nilinaw niya na hindi kasama sa libreng sakay ang kasamang adults ng mga bata.

“So tanging mga bata lang po ang makaka-avail so pasensiya na po doon sa mga kasamang adults, hindi po kayo kasama sa ngayon kasi po ito naman ay National Children’s Month,” ani Tapales.