TRAVEL BAN SA MACAU, HONG KONG PINAG-AARALANG BAWIIN NG GOBYERNO

PINAG-AARALAN ng gobyerno ang pag-aalis sa mga travel restrictions na ipinapataw sa mga bisita mula sa Special Administrative Region ng China bilang pag-iingat sa gitna ng banta ng coronavirus disease o COVID-19.

Sinabi ni Tourism Secretary Bernadette Romulo-Puyat sa Newsroom Weekend ng  CNN Philippines na ang travel restrictions ay base sa kung papaano iniimplementa ng isang bansa o teritoryo  ang protocols  sa pagtugon sa bagong viral infection na nagmula sa Wuhan, China.

Ang pahayag na ito ng kalihim ay  kasunod ng napagkasunduan  ng mga miyembro ng  infectious diseases task force  na ibas-ura ang kanilang utos na pagbawalan ang pagpasok ng mga turista mula sa Taiwan, gayong pinaiiral sa nasabing  lugar ang “very strict and excellent protocols in handling travelers.”

Nagsimulang  ipatupad ang travel ban sa mga turista mula sa China, kabilang ang special admi­nistrative regions na Hong Kong at Macau, dalawang linggo na ang nakalilipas  upang mapigilan ang pagkalat ng novel coronavirus, na opisyal nang tinawag na COVID-19.

“Before, there was a question [on whe­ther] people from China could go to Taiwan and come to the Philippines without detec-tion. Now before they come here, we already know if they have been to China or not,” pahayag pa ni Romulo-Puyat.

Ayon pa sa kalihim,  ang industriya  ng turismo sa Filipinas ay  maaaring malugi ng P42.9 bil­yong kita dahil sa  mga ipina-tutupad ng travel ban papasok at papalabas  ng bansa  mula sa China, Hong Kong, Macau at Taiwan.

Upang hindi maapektuhan  ang industriya,  pinagsusumikapan ng mga opisyal ng DOT  na mapalakas ang domestic tourism. Ilang  airlines, kabilang ang   Philippine Airlines, Cebu Pacific at Air­Asia  at mga hotel  ay pumayag na   maglabas ng  mga promo-tion  upang makatulong sa  pagbaba ng kanilang kita.

Iniulat na  ang Mainland China ay mayroong   66,000 confirmed CO­VID-19 cases,  habang  1,500  ang nasawi.

Sa  Hong Kong  ay may 56 kumpirmadong  kaso ng COVID-19 at isa ang nasawi habang  18 kaso ang  naitala sa Taiwan at 10 kaso sa Macau.                      CNN Philippines