LAGUNA – NASA maayos ng kalagayan sa Laguna Medical Center (LMC) ang 15-anyos na lalaking out of school youth matapos magtamo ng dalawang saksak sa kanyang katawan makaraang pagsasaksakin ng riding in tandem suspects sa Brgy. Poblacion 3, bayan ng Sta. Cruz.
Kinilala ni PLt. Col. Armie Agbuya, hepe ng pulisya ang biktimang si alyas “Boy” ng bayan ng Pagsanjan.
Samantala, patuloy na kinikilala ni Agbuya at ng kanyang mga tauhan ang dalawang suspek kung saan mabilis na tumakas patungo ng kabayanan makaraan ang insidente lulan sa isang motorsiklo.
Sa imbestigasyon, dakong ala-1:00 ng madaling araw nang maganap ang naturang insidente habang papauwi na umano ang biktima matapos kumain ng lugaw sa lugar nang biglang sumulpot ang mga suspek bago inundayan ng saksak ng isa sa mga ito.
Dahil dito, nagawa pang makatakbo papalayo sa lugar ang biktima kung saan nagtamo ng saksak sa kanyang leeg at sikmura.
Kaugnay nito, patuloy na inaalam ng pulisya ang posibleng motibo sa krimen at agarang pagkakakilanlan sa mga suspek sa pamamagitan ng kuha sa CCTV sa lugar. DICK GARAY
Related posts:
JESUIT VOLUNTEER NAGISING SA PANLOLOOB, SINAKSAK NG KAWATAN
(Sinundan ng karelasyon sa ospital) BEBOT NA BINUGBOG NG LOVER, SINAKSAK HABANG GINAGAMOT
UMAWAT SA SAKAL SINAKSAK NG UNCLE
KELOT KRITIKAL SA SAKSAK NG 17-ANYOS NA ESTUDYANTE
MISIS TINARAKAN NG SCREW DRIVER
LOLA TUMANGGING PAHALIK SINAKSAK
MAG-UTOL NA NAKA-QUARANTINE SINAKSAK
LOLA NINAKAWAN, SINAKSAK
Comments are closed.