BAGAMA’T bahagyang bumaba ang naging resulta ng Third Quarter Survey ng Social Weather Stations (SWS) ay nananatili namang ‘very good’ ang nakuhang net satisfaction rating ni Pangulong Rodrigo Duterte.
Sa nasabing survey, nakakuha ang Pangulo ng +65 na rating, bahagyang mababa kumpara sa +68 na nakuha niya noong June 2019 survey.
Sa survey na isinagawa noong Setyembre 27 hanggang 30 ay 78% ng respondents ang nagsabing sila ay satisfied o kuntento sa performance ng Pangulo, 13% ang dissatisfied at 9% ang undecided.
Sa Metro Manila at Visayas ay nakapagtala ng pagtaas ng satisfaction rating ang Pangulo.
Gayunman, malaki ang naitalang pagbaba sa Balance Luzon at sa Mindanao.
Ayon kay Presidential Spokesman Salvador Panelo, ipinagkibit-balikat lamang ng Pangulo ang survey numbers dahil hindi siya interesado sa kahit na anumang popularity contest na may kaugnayan sa kanyang governance dahil tumaas man o hindi ang kanyang satisfaction rating ay mananatiling hindi ito apektado.
Related posts:
2 BAGONG GABINETE ITINALAGA NI DUTERTE
AFP MULING NAGDEKLARA NG SUPORTA KAY DUTERTE
DUTERTE HINDI BUMOTO
PH FLAG IBABAON SA PH RISE
DUTERTE NAGBIGAY NG DAHILAN BAKIT ‘DI BUMOTO
2 ASST. SEC PINAGBITIW NI DUTERTE
DUTERTE NAGLAGAY NA NG KAPALIT NG DOJ ASEC
DUTERTE DUMALO SA GRADUATION NG APONG SI ISABELLE
Comments are closed.