(Dahil sa COVID-19) 51ST BOX OFFICE ENTERTAINMENT AWARDS IPINAGPALIBAN

NAGPASYA na rin ang pamunuan ng Guillermo Mendoza Memorial Scholarship Foundation Inc. (GMMSFI) at ang Airtime Marketing, Inc. ni Ms. Tessie Celestino-Howard, na siyang producer ng 51st Box Office Entertainment Awards, na ipagpaliban muna ang awards night na dapat ay magaganap sa Linggo, Marso 15, sa Newport Theater ng Resorts World Manila.

Kahit nag-confirm na ang mga artistang recipients ng more than 50 awards, minabuti na nilang unahin ang safety ng mga dadalong artista at celebrities, mga hosts, performers, production staff at ang mga fans na manonood ng presentation sa gabing iyon.

Ang mga tatanggap ng awards ay pangungunahan nina Alden Richards at Kathryn Bernardo, bilang mga Phenomenal Stars of Philippine Cinema for 2019, at sina Aga Muhlach at Zia Vigor as the Box Office King and Queen for 2019, ang mga winners sa iba’t ibang category, plus ang mga special awards.

Hintayin na lamang natin ang susunod na announcement kung kailan ito matutuloy.

Keep safe

everyone!

DINGDONG, JENNYLYN, ROCCO AT JASMINE KINAKIKILIGAN NG NETIZENS

KINAKIKILIGAN ng mga avid viewers ng local adaptation ng “Descendants of the Sun” ang dalawang pairs of lovers na sina Captain Lucas (Dingdong Dantes) at Dr. Maxine (Jennylyn Mercado) at sina Captain Moira (Jasmine Curtis Smith) at TSgt. Diego (Rocco Nacino).  Kilig ang netizens sa eksenang na-traumatize si Maxine dahil sa encounter nila sa mga rebels at akala niya ay napatay si Lucas, at iniyakan niya iyon. Nakabalik si Lucas at nalaman niya ang nangyari kay Maxine at kahit pagod at puyat, binantayan niya si Maxine.

Kilig din ang mga netizens na kahit nasa encounter sina Diego at Moira, hindi na sila naghihiwalay, caption nga ng isang netizen, “saludo noon… yakap na ngayon! Team GoRa (Diego at Moira) is a reminder not to give up on your true love!”  Dati kasing ginibup ni Diego ang love niya kay Moira dahil ayaw ng ama nitong ge­neral sa kanya mas mataas pa raw ang ranggo ng anak kaysa kay Diego.

Ilan pang iconic scenes ang hinihintay ng mga netizens, isa rito ang earthquake scene.  Paano kaya in-execute ni Direk Dominic Zapata ang eksenang iyon?

ALDEN NAGPASIMULA SA TAPING NA WALANG LIVE AUDIENCE

AS PER GMA Networks advisory, si Alden Richards ang unang nagpasimula ng taping na walang live audience ang musical competition for kids show na “Centerstage” na ginawa kahapon at ngayong Thursday.  Ginawa ito ng GMA para masiguro ang kaligtasan ng lahat ng mga concerned, laban sa COVID-19.  Anyways naman, patuloy pa ring ibibigay ng GMA sa mga televiewers ang mga shows na sinusubaybayan nila mula umaga hanggang gabi.

Sa Sunday, March 15, mapapanood ang “Cen­terstage” after “Daig Kayo Ng Lola Ko.”

Bago nag-taping si Alden ng “Centerstage” nag-attend muna siya ng @mcdo_phs Obrang Filipino, at natuwa ang mga fans sa post niya sa kanyang Instagram account na “My date tonight? Swipe left.”

Ang sister niyang si Riza Faulkerson na siyang nagma-manage ng kanilang McDo Biñan store, ang ka-date niya sa Manila Hotel kung saan ginanap ang McDo Obrang Filipino awards night.  Sino ba ini-expect ninyong ka-date ni Alden, iyong babaeng kamukha ni Riza?