NABABAHALA si Budget and Management Secretary Benjamin Diokno na kapag sinunod nila ang schedule ng Senado ay magiging reenacted ang budget para sa 2019.
Ani Diokno, tatamaan ng election ban ang mga proyekto kung saan ipinagbabawal ang pag-release ng budget kaya made-delay ng limang buwan ang konstruksiyon ng mga proyekto.
Dahil na rin sa panawagan ng iba’t ibang ahensiya ng pamahalaan at ng Malakanyang ay nagtungo sa Senado ang kalihim upang hilingin na aprubahan ang budget bago mag-break ang sesyon sa Disyembre 13.
Bilang tugon ay iginiit naman ni Senate Majority Leader Juan Miguel Zubiri na magdo-double effort ang mga senador para maratipikahan na ang budget sa Disyembre 13 at malagdaan ito ni Pangulong Rodrigo Duterte bago mag-Pasko.
Pinuna rin ni Diokno ang calendar schedule ng mga senador na tila, aniya, masyadong mahaba ang kanilang bakasyon.
Partikular na napuna ng kalihim ang session break simula Disyembre 14 hanggang Enero 14 na halos isang buwan.
Aniya, lahat ng ahensiya ng pamahalaan, gayundin ang mga pribadong tanggapan, ay bumabalik sa kanilang mga trabaho ng Enero 2. VICKY CERVALES
Related posts:
KAHIT GIPIT SA NAT’L BUDGET, DAPAT PRAYORIDAD PA RIN ANG LABAN SA COVID-19
PANUKALA NI BBM UKOL SA BADYET PARA SA EDUKASYON NAPAPANAHON
(Iprayoridad sa 2022 budget ng DepEd) LIGTAS NA FACE-TO-FACE CLASSES
(Sa 2022 budget) DAGDAG-PONDO SA COVID-19 BOOSTER SHOTS
(Sa unang 3 quarters) BUDGET DEFICIT PUMALO SA P1.14-T
(Tatalakayin na sa Kamara) EXTENSION NG VALIDITY NG 2021 BUDGET
PANUKALANG P5.024-T 2022 NATIONAL BUDGET POSIBLENG LUMUSOT SA SENADO SA NOB. 25
(Noong Oktubre) BUDGET DEFICIT LUMOBO SA P1.2-T
Comments are closed.