KIM CHIU INAMING MARAMING ASAWA ANG KANYANG CHINESE FATHER

NAGIGING emosyunal  si Kim Chiu kapag  napag-uusapan ang kanyang pamilya. Tulad din kasi ng ibang Chinese father ay halos ganoon din ang kanyang  ama na may ibang pamilya rin bukod sa kanilang pamilya na hindi naman itinatanggi ng actress.

Sa isang interview ay sinabi niya, “In real life, I am the first  family. My dad also has other wives. Pero ako  ‘yung una. So, it`s kinda challenging for me to play the second family. Kasi sila  ‘yung  parang  hindi  masyadong  pinapansin. Pero pinapansin sila ng Papa  ko.”

Ang Papa raw niya ay parang si Adam Wong, character na gina­gampanan  ni  Boyet de Leon sa “Love Thy Woman”  na  ama niya sa serye.

“Eto  talaga  ‘yung  nangyayari  sa pamilya  ng totoong Chinese family. Kaya nga pag tini­tingnan ko pag  nag-aarte kami, sabi ko, “shucks  kawawa  rin  pala ‘yung  mga anak ng Papa ko.”

Dahil  daw  sa “Love Thy Woman” ay naiintindihan na niya kung ano ang  nararamdaman ng  second family.

Kasi  daw kapag first family ay parang ikaw  ‘yung  pinakamatapang.  Ang character niya sa serye ay second family. Kaya ngayon  ay  naiintiindahan  na niya ang  pakiramdam  ng mga kapatid niya sa labas.

Hindi naman daw niya inililihim ang tungkol sa kanyang malaking pamilya  dahil pino-post naman  daw niya ito sa kanyang  social media account.

“Marami  kami, masipag  ang Papa ko. Mapagmahal ang Papa ko, and  it  really happens talaga. Totoo talaga siya and accepted  siya ng lahat  ng wives. Pero hindi  ipinapakita. But  in this  te­leserye, you can  see  what  really  happens inside  a modern Chinese  family,” pahayag pa ni Kim.

Naging  emosyunal  si Kim nang tanungin kung paano nabago ang tingin niya sa love.

“Growing up, lagi akong nagwa-wonder, nasaan ang Papa ko, lagi siyang  nawawala. Ang dami  kasi niyang pinupuntahan. Hindi kasi siya bahay,  city siya. So, ni­lilipad  niya  talaga  yun.”

Habang  lumalaki raw siya ay naging okey na siya kahit wala siyang father figure. Kapag may special  event naman daw ay dumarating ang kanyang Chinese dad.

Parating nasa honor daw siya noon sa elementary at in fairness sa kanyang ama ay dumarating naman daw ito para sa awarding ceremony at ito ang nag-a-award sa kanya.

Bale ‘yung din daw ang naging motivation  niya para mag-aral  nang mabuti  at  para  everytime na may award siya ay darating ang kanyang ama.

Nang sa birthday event naman ang kanyang ikukuwento ay bigla nang  nag-crack ang kanyang boses at hindi na niya nagawa ituloy dahil  naiiyak na siya.

At  kaya  raw siya  iyakin  sa “Love Thy Woman” ay dahil sobrang nakaka-relate siya sa sa takbo ng istorya.

KC CONCEPCION MAY MATINDING PINAGDARAANAN 

DINADASAL  nga­yon  ni KC Concepcion sa pagpasok ng taon 2020  sa Diyos,  all the good. Post kasi ni KC sa kanyang Ins­tagram ay may caption  na: “Dear  God  pls  bless  this  year & grant  me  all  the  good. I`ve ever hoped  for  #2020vision.”

Tila  may matinding pinagdaraanan nga nga­yon ang panganay na anak ni Sharon Cuneta kaya ganoon na lang ang mensahe nito. Sa likod pala  ng masasayang posting niya sa kanyang social media account ay hindi  pala smooth sailing ang kanyang personal life.

Ang sure lang sa ngayon ay mayaman pa rin si KC at hindi nito problema ang pera kahit hindi na siya mag-artista.

Sa unang posting kasi ni KC sa kanyang Instagram habang hawak ang kanyang  salamin ay sinabi niya na nagdeposito siya sa bangko kung saan nakikipag-usap  siya sa kanyang  banker.

“Me  after  financial  planning,  sitting with my banker, making deposits, planning  out  a budget for the next  6 months. Everyday  teaches  us  something. Every mistake  a  learning  experience. #adulting,” aniya.