NORTH COTABATO – PINAGTATAGA hanggang sa mapatay ang 28-anyos na misis ng seloso nitong mister sa Barangay Dumadalig, bayan ng Tantangan, South Cotabato kamakalawa ng umaga.
Sa ulat ni P/Captain Romeo Albano Jr., kinilala ang misis na si Denelyn Mara, overseas Filipino worker (OFW) habang tumakas naman ang suspek na si Roel John Mara, 38.
Ayon kay Albano, umuwi ang biktima matapos magtrabaho sa ibang bansa noong Oktubre 31. Subalit sa halip na tumuloy sa kanyang mister sa Barangay Bukay Pait, ay tumuloy umano ito sa kanyang mga magulang sa karatig barangay ng Dumadalig.
Pinuntahan ng suspek ang kanyang misis para kausapin hanggang sa mauwi sa matinding pagtatalo at pananaga.
Naisugod pa ang biktima subalit hindi na umabot ng buhay sa South Cotabato Provincial Hospital sa Koronadal City.
Kasalukuyang pinaghahanap ng mga pulis ang suspek. MHAR BASCO
Related posts:
LALAKING MAY SAYAD, AMA AT KAPATID TINAGA
BUNTIS TINAGA NG LASING NA MISTER
MISIS KINATAY NI MISTER BAGO NAGPAKAMATAY
MISIS NA TAKSIL NABUKING NI MISTER, KINASUHAN
KUYA TINAGA NG NAKABABATANG KAPATID
62-ANYOS TINAGA NG PAMANGKIN
MISIS NAGPAUMAGA SA MOTEL PARA HULIHIN SI MISTER AT KUMARE
MISIS TINARAKAN NG SCREW DRIVER