CALOOCAN CITY – TATLONG sinasabing tulak ng droga ang nasakote at nakumpiskahan ng tinatayang P340,000 halaga ng shabu sa isang buy bust operation sa lungsod na ito.
Ikinasa at kakasuhan ng paglabag sa Comprehensive Dangerous Drugs Act of 2002 sina Jefferson Calimquim, 35; Mhoysan Falcon, 45; ng Barangay 176, Bagong Silang; at Jamil Gallogo, 29, ng Barangay 188, Tala, Caloocan.
Dinamba ang mga suspek sa Barangay 176, Bagong Silang matapos bentahan ng shabu ang isang undercover na parak.
Bukod sa naiskor ng buyer, nasamsam din sa mga suspek ang dalawa pang sachet ng shabu na tumitimbang ng 50 gramo at nagkakahalaga ng P340,000, at ang boodle money. EVELYN GARCIA
Comments are closed.