7 HULI SA DAMO AT SHABU  SA VALENZUELA

ARESTADO ang pitong hinihinalang drug personalities kabilang ang dalawang bebot sa isinagawang buy bust operation ng mga pulis sa magkahiwalay na lugar sa Valenzuela City, kamakalawa ng gabi at kahapon ng madaling araw.

Kinilala ni Valenzuela Police Chief P/Col. Fernando Ortega ang mga naarestong suspek na sina Rainier Garcia, 22, Jayson Garcia, 21, Deniesse Gonzales, 31, pawang ng Brgy. Marulas, Jermae Anzures, 31, at Henry Samaniego, 37, kapwa ng Brgy. Rincon.

Sa imbestigasyon ni PSSg Carlito Nerit Jr., dakong alas-12:30 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni P/Capt. Segundino Bulan Jr. sa ilalim ng pangangasiwa ni P/Col. Ortega ng buy bust ope­ration sa 71 R. Valenzuela St., Brgy. Marulas, ng lungsod na nagresulta sa pagkakaaresto sa mga suspek.

Nakumpiska sa mga ito ang humigi’t kumulang sa 350 gramo ng pinatuyong dahon ng marijuana na tinata­yang nasa P42,000 drug price value, P200 buy bust money, P300 cash, digital weighing scale at ilang drug paraphernalias.

Bandang alas-9:45 naman ng gabi nang unang masakote ng mga operatiba ng SDEU sa pangunguna ni PSMS Roberto Santillan sa buy-bust operation din sa Joyful Dulong Tangke, Brgy. Malinta na sina Jessie Enriquez, 41, at Jurie Baguna, 38.

Nakuha sa mga suspek ang anim na plastic sachets na naglalaman ng hinihinalang shabu, P100 cash at P300 buy  bust money na narekober kay Enriquez. VICK TANES