Laro ngayon:
(Mall of Asia Arena)
6:30 p.m. – San Miguel vs Phoenix
MATAPOS na patalsikin ang mortal na karibal na Talk ‘N Text sa quarterfinals, pagtutuunan ng pansin ng defending Philippine Cup champion San Miguel Beer ang pagdispatsa sa elimination top notcher Phoenix Pulse Fuel Masters sa kanilang best-of-seven semifinals series simula ngayon sa Mall of Asia Arena.
Haharapin ng Beermen ang Fuel Masters sa alas-6:30 ng gabi at inaasahang magiging kapana-panabik ang salpukan ng dala-wang koponan na magsasagupa sa semis sa unang pagkakataon.
Lamang ang SMB sa halos lahat ng departamento sa Phoenix, gayundin sa eksperyensiya kung saan maraming beses nang nagkampeon ang Beermen habang ang Fuel Masters ay wala pang naiiuwing korona.
Angat din si coach Leo Austria laban sa counterpart nito na si Louie Alas kung saan certified champion ang una.
Sa kabila na pinapaboran, ayaw pa ring magkumpiyansa ni Austria at lagi niyang pinaaalalahanan ang kanyang mga bataan na laging mag-focus sa laro.
“Many weird things happen in basketball and I do not want that to happen to us. I kept reminding my players to play their best out there and utilize all the resources from their arsenal to ensure victory,” sabi ni Austria, target ang ika-5 titulo sa kanyang career.
Sa frontline ay nariyan sina skipper Alex Cabanot, Terrence Romeo, Marcio Lassiter, Arwind Santos at Chris Ross, habang si-na June Mar Fajardo at Filipino-German Christian Standhardinger ang magiging dominant force sa low post para sa San Miguel.
Si Fajardo ang nanguna sa pagpapatalsik ng SMB sa TNT sa quarterfinals sa pagkamada ng double-double game-high 32 points at 14 rebounds at inaasahang muling pamumunuan ng five-time MVP ang scoring job at depensa ng SMB.
Ito ang magpapasakit sa ulo ni Alas dahil wala siyang player na maaaring itapat kina Fajardo at Standhardinger.
Inaasahan namang mangunguna sa opensiba ng Phoenix si Filipino-Canadian Matthew Wright, kasama sina dating Alaska player Calvin Abueva, Jason Perkins, JC Intal, LA Revilla at dating NLEX player Alex Mallari. CLYDE MARIANO
Comments are closed.