SISIKAPIN ng San Beda na mapalawig ang kanilang dominasyon sa women’s division sa ika-7 sunod na season habang nakatuon ang College of Saint Benilde sa ika-6 na sunod na men’s crown sa 95th NCAA table tennis tournament ngayon sa JRU Gym.
Binokya ng Lady Red Paddlers ang Letran, 3-0, upang makumpleto ang isa pang perfect campaign noong nakaraang taon kung saan naisubi ni Angel Sanchez ang tournament MVP award.
Umaasa ang Blazers na maipagpapatuloy ang kanilang dynasty sa kabila ng pagkawala ni five-time MVP Ryan Jacolo, na nag-graduate na. Pinataob ng St. Benilde ang Knights, 3-1, upang mapanatili ang korona noong nakaraang taon.
Sa juniors division, pinapaboran ang Letran, nagwagi sa San Beda sa Season 94 Finals sa likod ni MVP Matt Andrew Ramos, na mapanatili ang titulo.
Comments are closed.