PINAIGTING ng Bureau of Immigration (BI) ang kanilang monitoring sa mga airport sa bansa sa pakikipagtulungan ng iba’t ibang ahensiya ng pamahalaan upang masawata ang pagpasok ng mga terorista sa Filipinas.
Upang maging epektibo ang kanyang kautusan, inilipat ang mga tauhan ng Travel Control and Enforcement Unit (TCEU) para mamonitor niya ang bawat hakbang ng mga ito.
Ang TCEU ay ang responsable o ang may karapatan sa pag inspeksiyon sa mga pasahero sa mga international airport at humuli sa mga biktima ng human trafficking at illegal recruitment.
Ayon kay BI Commissioner Jaime Morente, inilipat ang TCEU sa ilalim ng kanyang pamumuno upang direkta na mag-report ang mga ito sa kanyang opisina, dahil bukod sa itinuturing niya na mga mata at tainga sa operasyon, ito rin ang front liners ng BI.
Sa tanggapan ng komisyoner na rin direktang magre-report ang mga taga-Border Control Unit at BI Intelligence Groups dahil ito ang inaasahan niya sa pagmo-monitor sa mga pinaghihinalaang mga terorista na nais maghasik ng lagim sa bansa.
Ang dalawang grupo ay nasa pamamahala ng BI’s Port Operations Division (POD) at aniya, kinakailangang i-transfer para maiwasan ang fraternization, na siyang nagiging daan sa korupsiyon. FLOR MORALLOS
Related posts:
PAGLILIPAT NG AIRPORT SA CLARK ITINUTULAK SA KAMARA
WALANG DAY OFF SA MGA AIRPORT NGAYONG KAPASKUHAN
TEMPORARY VISITORS PAPAYAGANG MAGBAYAD NG ICCs SA AIRPORT
KARAGDAGANG MONO CHAIRS PARA SA LSIs SA AIRPORT
FINANCIAL RE-ENGINEERING APRUB KASABAY NG BULACAN AIRPORT
TUGADE, TINIYAK NA MATATAPOS ANG BICOL INT’L AIRPORT NGAYONG TAON
IMPORTED NA KARNE NASABAT NG BOC SA AIRPORT
OFW NA NAGSINUNGALING SA EDAD HINARANG SA AIRPORT
Comments are closed.