ZAMBOANGA SIBUGAY – MALUBHANG nasugatan ang isang tauhan ng Philippine National Police (PNP) nang tambangan ito ng riding in tandem gunmen.
Sa ulat ng Zamboanga Sibugay Police Provincial Office sugatan sa ambush ang isa nilang opisyal na kinilalang si Insp. Yashier Abdulla Sarikin.
Lumitaw sa pagsisiyasat na kadarating lamang ni Sarikin sa kaniyang inuupahang bahay sa Purok Eloisa sa bayan ng Ipil nang dumating ang dalawang motorsiklo at lumapit sa kaniyang kotse.
Agad na bumaba ang backrider at nilapitan si Sarikin at saka ito pinagbabaril subalit nagawang makaganti rin ng putok ang pulis kaya mabilis na tumakas ang mga suspek.
Agad isinugod sa ospital si Sarikin na ginagamot ngayon dahil sa tinamong tama ng bala sa kanang kilay at daliri. VERLIN RUIZ
Comments are closed.