CALOOCAN – ARESTADO ang apat na tulak ng droga kasama ang isang babae sa ikinasang buy bust operation ng District Drug Enforcement Unit (DDEU), kung saan aabot sa mahigit P800,000 halaga ng shabu ang nasamsan sa Caloocan City.
Kinilala ni Northern Police District (NPD) Director, Chief Supt. Gregorio N. Lim ang mga naarestong suspek na sina Ranilo Saplad, 54, ng No. 111 Marulas A. Macabalo Street, Barangay 37; Gerardo Del Mundo, 51; Ferdinand Andrada, 52, at Ilona Gail, 42, residente ng No. 18 Eaja Soliman Street, Barangay 37 ng nasabing lungsod.
Ayon kay NPD Deputy Director for Administration Sr. Supt. Ariel Arcinas, bandang alas-11:00 ng gabi, nagkasa ng buy bust operation ang DDEU sa bahay ng isa sa mga suspek na si Saplad.
Nagsilbing buyer si P01 Jerve Castro at umiskor ng isang plastic sachet ng shabu ng halagang P1,000 kay Saplad, kung saan naroon din ang tatlong kasamahan nito.
Matapos iabot ang droga dinamba na ng mga parak ang suspek.
Nang kapkapan ang mga nadakip, nasamsam sa kanila ang mahigit 119 gramo ng shabu na may market value na P810, 000. EVELYN GARCIA
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU