CALOOCAN – ARESTADO ang limang hinihinalang drug personalities kabilang ang tatlong bebot sa buy bust operation ng mga pulis na nagresulta sa pagkakalansag sa sinasabing drug den kahapon ng umaga.
Kinilala ni District Drug Enforcement Unit (DDEU) P/Capt. Ramon Aquiantan Jr. ang mga naarestong suspek na si Katherine Sunga alyas “Ning”, 28, alyas B1, 19-anyos, Rosemarie Carpio, 39-anyos, Salvacion Balaor, 51-anyos, at Sonny Roberto, 29, pawang watchlisted.
Sa report na natanggap ni Northern Police District (NPD) Director PBGen Ronaldo Ylagan, dakong alas-10:30 ng umaga nang ikasa ng mga operatiba ng DDEU-NPD sa pangunguna ni P/Capt. Aquiatan sa ilalim ng pangangasiwa ni PLtCol Giovanni Hycenth Caliao ang buy bust operation kontra sa mga suspek sa 69 BMBA La Loma Compd., 1st Avenue, Brgy. 120, Zone 10, Caloocan.
Matapos iabot ng isa sa mga suspek ang isang sachet ng shabu sa pulis na nagpanggap na buyer kapalit ng P15,000 boodle at buy bust money kabilang ang P1,000 cash ay agad itong dinamba ng mga operatiba.
Habang naaktuhan naman sa loob ng bahay na sinasabing ginagawang drug den ang iba pang mga suspek na sumisinghot ng shabu.
Ayon kay DDEU investigator PCpl Jezell Delos Santos, nakumpiska sa mga suspek ang humigit-kumulang sa 25 gramo ng shabu na may standard drug price na nasa P170,000, buy bust money at mga drug paraphernalias. VICK TANES/EVE GARCIA
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.