PARAÑAQUE CITY – NASAMSAM ng mga tauhan ng Bureau of Customs (BoC) noong Sabado, Setyembre 22 sa Ninoy Aquino International Airport (NAIA) ang 800 gramo ng shabu sa loob ng warehouse ng courier company.
Ang naturang kargamento ay dumating noong September 21, 2018, galing sa Republic of Congo, at idineklara ng consignee na mga Art table.
Ayon kay Customs Port of NAIA district collector Mimel Talusan, ang nasabing kontrabando ay nakapangalan sa isang Joy Bido Mariel na taga-Cavite, at ipinadala sa kanya ng isang Asuman Lopeta ng 5EM Rue industrielle Kinshasa, Republic of Congo.
Tinatayang aabot sa P5.4 milyon ang halaga ng nasabing droga at agad itong itinurn-over ng Philippine Drug Enforcement Agency (PDEA), upang magsagawa ng masusing imbestigasyon, at pagsasampa ng kasong criminal laban sa consignee na si Joy Mariel.
Kaugnay nito, inalerto ang mga taga-customs sa NAIA upang maging mapagmatiyag sa mga kargamento na dumarating sa paliparan galing sa United States, Republic of Congo, Hongkong at Taiwan. FROILAN MORALLOS
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU