MALABON CITY – MAKAKASAMA na ng isang 23-anyos na housekeeper sa kulungan ang kanyang lover matapos itong mahulihan ng shabu makaraang dalawin ang boyfriend sa detention cell sa Malabon City, kamakalawa ng hapon.
Kinilala ni Malabon police chief P/Col. Jessie Tamayao ang suspek na si Gylin Yumang, ng No. 3 Gen San Miguel St., Millionaires Compound, Brgy 8, Caloocan City na nahaharap sa kasong paglabag sa R.A. 9165 o Comprehensive Dangerous Drug Act sa Malabon City Prosecutor’s Office.
Sa imbestigasyon ni P/SSgt. Ramos Tamago, dakong alas-5:50 ng hapon, binisita ni Yumang ang kanyang boyfriend sa detention cell ng Malabon City Police nang mapansin niya ang mahigpit na ipinapatupad na pag-inspeksiyon ng mga duty detention jail officers sa mga bagahe.
Pagsapit sa kanya, sinubukan ni Yumang na itago ang isang plastic ng shabu na nakalagay sa harap na bulsa nito sa pamamagitan ng paghila nito at itago ito sa kanyang kanang kamay.
Gayunman, hindi ito nakaligtas sa paningin ni duty jail officer P/SSgt. Joshua Fernandez at nakumpiska sa suspek ang isang plastic sachet na naglalaman ng hinihinalang shabu na may timbang na 0.64 gramo at nasa P4,352.00 street value. EVELYN GARCIA
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.