KULUNGAN ang bagsak ng isang binatilyo matapos makumpiskahan ng higit sa P.5 milyon ng shabu sa isinagawang buy-bust operation ng pulisya sa Caloocan City kahapon ng madaling araw.
Kinilala ni Northern Police District (NPD) Director P/Brig. Gen. Ronaldo Ylagan ang naarestong suspek na si Richard Fabul, 19-anyos ng Bkl 38 Lot 16 Phase 3 Brgy. 12 Dagat-Dagatan.
Ayon kay Ylagan, dakong alas-2:30 ng madaling araw nang magsagawa ng buy-bust operation ang mga operatiba ng District Drug Enforcement Unit (DDEU) na may kaugnayan sa Simultaneous Enhanced Managing Police Operation (SEMPO) sa kahabaan ng Sabalo St. cor Salaysalay Brgy. 12 Dagat-dagatan, Caloocan City laban sa suspek.
Kaagad sinunggaban ng mga operatiba ang suspek matapos bentahan ng P6,000 halaga ng shabu ang isang pulis na umaktong poseur-buyer.
Nakumpiska sa suspek ang humigit-kumulang sa 75 gramo ng hinihinalang shabu na nasa P510,000.00 ang halaga at buy-bust money.
Mahaharap ang suspek sa kasong paglabag sa Comprehensive Dangerous Drug Act of 2002. VICK TANES
Related posts:
(Kabilang ang binatilyo) 3 MANGINGISDA TIMBOG SA P142K SHABU
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
Comments are closed.