P2.3-M SHABU NAKUMPISKA SA MGA DRUG SUSPECT SA QC

ARESTADO ng mga tauhan ng QCPD ang  tatlo sa mga suspek at nasamsam ang  P2,380,000 halaga ng shabu sa isang buy bust operation ng pinagsanib na puwersa ng Quezon City Police District (QCPD)  at  Los Baños Police noong Araw ng mga Puso sa  Los Baños, Laguna.

Kinilala ni QCPD Director PCSupt. Joselito Esquivel, Jr., ang mga naarestong suspek na sina Shoib Sampal, alyas Tikboy, 35,  at ang live-in partner nitong si  Rossette Dimas, alyas Seth, 39, negosyante  at residente ng  Brgy. San Antonio, Los Baños, Laguna, at Violeta Espina, 31, ng Tondo, Manila.

Sa report ni QCPD  Director PCSupt.  Esqui­vel kina PNP Chief Police Director General Oscar D. Albayalde  at  NCRPO director Guil­lermo Lorenzo Eleazar, ang nasamsam na P2.3 milyong halaga ng shabu  mula sa  joint  operation ng  QCPD Novaliches Police Station (PS 4) at Los Baños Police Station, Los Baños, Laguna.

Ayon kay PS 4 Commander PSupt. Rosell Cejas, ang nasabing buy bust operation  ay offshoot  sa nakalipas na drug ope­ration  sa Brgy. Bagbag, Novaliches  noong Pebrero 13  na nagresulta sa  pagkaka  aresto sa apat  na suspek at pagkakum­piska sa  50 gramo ng shabu  na may street value na  P300,000 ha­laga ng shabu.

Ang mga naarestong suspek ang nagturo  sa kanilang source na si alyas Tikboy at live-in partner nitong si alyas Seth na da­ting nanirahan sa Brgy. Bagong Silang Caloocan City bago sila lumipat ng Los Baños, Laguna.

Sa report ng QCPD, nabatid na bandang alas-9:30  ng gabi noong Pebrero 14 nang  ikinasa ng pinagsanib na pu­wersa ng QCPD – PS 4 at  Los Baños Police  sa pamumuno ni PSupt.  Lowie  Diong­lay sa  L1 Unit 2 B5 Villa  Armanda residences, San Antonio, Los Baños, Laguna na tumayong buyer sa halagang P191,000 shabu  mula sa mga suspek  na naging sanhi ng  pagkakaaresto sa mag-live-in.

Nakuha mula sa mga suspek  ang 35 gramo ng shabu, limang cellphone, isang dark gray na  Toyota Fortu­ner at ang marked mo­ney. PAULA ANTOLIN