NAVOTAS CITY – ARESTADO ang limang hinihinalang drug personalities kabilang ang isang bebot habang kumpiskado ang 38 gramo ng shabu na nasa P258,000 ang halaga sa isinagawang buy-bust operation sa lungsod na ito.
Kinilala ni Navotas Police Chief P/Col. Rolando Balasabas ang mga naaresto na sina Dave Angeles, 35, ng R. Domingo St., Brgy. Tangos North, ng lungsod; Mico Robles, 24, ng 285 Roldan St., Brgy. Tangos South; Raymond Adalin, 24, ng 106 Domingo St, Brgy. Tangos North; Lewie Garcia, 42, babae, ng 483 B. Cruz St, Brgy. Tangos North; at Joseph Bergantin, 45, ng R. Domingo St, Brgy. Tangos North.
Sa report ni Col. Balasabas kay Northern Police District (NPD) Director, PBGen Rolando Genaro Ylagan, alas-10 ng umaga nang ikasa ng mga operatiba ng Station Drug Enforcement Unit (SDEU) sa pangunguna ni PLt Charlie Bontigao ang buy bust operation kontra sa mga suspek sa kahabaan ng R. Domingo St., Brgy. Tangos North, ng lungsod sa koordinasyon sa PDEA.
Kaagad sinunggaban ang mga suspek matapos bentahan ng isang sachet ng shabu ang isang pulis na nagpanggap na buyer kapalit ng P300 marked money.EVELYN GARCIA
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.