QUEZON CITY – TINATAYANG aabot sa P40 milyon ang anim na kilo ng shabu ang nasamsam ng mga tauhan ng Quezon City Police District (QCPD) sa ilalim ni Director, Chief Supt. Joselito Esquivel Jr. sa hinuhukay na kanal sa Brgy. Fairview.
Ayon kay Esquivel, bandang alas-10:30 ng umaga ay natagpuan ang nasa anim na kilong shabu.
Ang pagkatagpo ay iniulat ni Brgy. Captain Manuel Chua ng North Fairview sa PS 5 sa ilalim ni Supt. Benjamin Gabriel Jr.
Ayon pa sa ulat, dalawang lalaki ang naghuhukay sa harapan ng gate ng isang shop na pag-aari ni Danilo Sibug sa Geneva Garden Subd., sa Commonwealth Ave. corner Flourdelis St., Brgy. North Fairview, nang makita ang naturang droga.
Si Sibug ang siyang nagpaalam sa brgy. chairman sa natagpuan at siyang inulat naman sa mga pulis.
Dahil dito, patuloy na pinaiimbestigahan ni Esquivel ang PS 5 commander na patuloy magsagawa ng imbestigasyon at mangalap ng ebidensiya sinuman ang nagmamay-ari o naglibing ng ganoong kalaking ilegal na droga sa lugar. PAULA ANTOLIN
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.