PEDICAB DRIVER HULI SA PAGBATAK

PILIPINO Mirror
shabu

NAVOTAS CITY – ARESTADO ang isang pedicab driver matapos maaktuhang sumi­singhot ng shabu sa isang abandonadong palikuran sa lungsod na ito.

Kinilala ni Navotas Maritime Police Station P/Capt. Ferdinand Hermoso ang naarestong suspek na si Arnel Pelajio, 44-anyos, residente ng Pier 2 Navotas Fish Port Complex (NFPC), Brgy. NBBN.

Ayon kay Maritime Police investigator Pat. Ryan Paulo, bandang 5:00 ng umaga habang nagpapatrolya ang security guard na si Joel Dugan, 49-anyos, at Jundil Mapili, 27-anyos, kapwa nakatalaga sa NFPC nang makita ng mga ito na may liwanag na nagmumula sa abandonadong palikuran sa Banera St., NFPC, NBBS.

Nang tignan, naaktuhan ng dalawang sekyu ang suspek na abala sa pagsing­hot ng shabu na naging dahilan upang arestuhin ito bago dinala sa pulisya kung saan narekober ang ilang drug paraphernalia at isang nakabukas na plastic sachet ng shabu. VICK TANES

Related posts:

Default ThumbnailP11.87-M SHABU NASABAT SA NAIA NPD-District-Director-Chief-Supt-AmandoEmpisoP163-M SHABU NAKUMPISKA SA FOLLOW-UP NG NPD Default ThumbnailEX-COP, 6 PA NAAKTUHAN SA SHABU Default ThumbnailGINANG TIKLO SA P500K HALAGA NG SHABU Default ThumbnailP3-M HALAGA NG SHABU NAKUMPISKA SA BUY BUST QCPDP400K SHABU NASAMSAM SA 3 KATAO girl huliLADY PUSHER, HULI SA P150,000 HALAGA NG SHABU SHABU USERPULIS, 11 PA NAAKTUHAN SA PAGSINGHOT NG SHABU