SHARON CUNETA HUMINGI NG DASAL DALA NG PINAGDADAANAN

HUMIHINGI ng dasal si Sharon Cuneta sa kanyang IG followers. May sakit kasi ang Megastar kaya nag-cancel siya ng meeting at iba pang mahalagang gagawin.

“Please pray for me. I have had to cancel meetings and other important things  because I`ve been fighting off the flu, when I swallow there`s  a painful  lump in my throat and I have a cough. I have a singing commitment on Saturday for  a  private event. Please pray that I heal completely in time for that I`ve been talking very minimally and my meds make me sleepy so thankfully, I am able to sleep for most of the day, everyday. Thanks so much I need your prayers please. Love you guys,” pahayag ni Megastar sa kanyang IG account.

Feeling ng iba ay baka raw exhausted lang si Shawie sa katatapos na election at sa pelikula niyang Kuwaresma na sad to say ay hindi ganoon kalakas sa takilya na pawang pintas pa ang inaabot. Isa pa, kaya raw sumama ang loob ni Sharon ay dahil marami raw siyang eksena sa movie na natanggal.

Isama pa ang pagkatalo ng kanyang kapatid nang tumakbong Mayor sa Pasay.

ROBIN PADILLA NAGMENSAHE PARA SA MGA GUSTONG GUMIBA SA KANYA

NAGBIGAY  ng mensahe si Robin Padilla sa kanyang Instagram para sa mga taong gusto siyang gibain at kanyang pamilya.

“ I did it all for the love God, country and fellowmen, never of money and power,” bahagi ng mahabang post ni Robin.

Sa katatapos na halalan kasi ay todo suporta si Robin sa senatorial candidate na sina Bong Go at General Bato dela Rosa.

Sabi nga niya ngayon tapos na ang election, “kayat  mainam na isan­tabi na natin ang politika at magkaisa tungo sa law and order.”

May sumang-ayon at siyempre ‘di mawawala ang ‘di sang-ayon sa na­ging mensahe ni Robin kung pagbabasehan ang mga comment ng ilan niyang followers.

Basta sa isang quotation ni Robin ay may kalakip na mensahe ito ng, “Kapag para sa ba­yan, hindi ka dapat binabayaran.”

Dapat na nga mag-move on na ang lahat ngayong naiproklama na ang 12 na bagong halal na mga kandidato.

BUBBLE GANG TRENDING ANG MGA PAKULO

PABORITO pa ring panoorin ng mga netizen sa YouTube ang longest running gag show sa te­lebisyon ang Bubble Gang na napapanood every Friday evening sa GMA 7.

Katunayan, last week lang ay umabot sa 3.4 million views ang video nila sa episode na “Hubad na Restaurant”. Available ito sa YouTube channel o GMA Network na umabot sa 10 million subscribers.

Sigurado na marami pang pakulo ang cast ng Bubble Gang na talagang aabangan ng mga netizen tuwing Friday sa Kapuso Network.