CALOOCAN – NAKUMPISKA ng pinagsanib na puwersa ng Philippine Drug Enforcement Agency (PDEA) at Northern Police District (NPD) ang aabot sa P2-milyong halaga ng shabu sa isinagawang buy-bust operation noong Lunes ng hapon sa East Grace Park.
Nakilala ang target na si alyas Kenjie, 18-anyos, estudyante; at ang tatlong kasabwat nito na sina Jay-R Repol, 25-anyos; Tonton Francia, 21-anyos; at Jason Luza, 23-anyos.
Batay sa nakalap na report mula sa NPD, isang suspek ang nakatransaksiyon ng isang pulis na umaktong buyer para makabili ng droga at nagkasundong magkita sa kahabaan ng 4th avenue.
Dinampot ang mga suspek sa aktong pag-aabot ng droga sa pulis.
Nakumpiska mula sa mga suspek ang tatlong plastic packs na naglalaman ng shabu na tumitimbang sa 300 gramo at may street value na P2,040,000 at buy bust money.
Kasalukuyang nakakulong ang mga suspek at nahaharap sa kasong paglabag sa Comprehensive Dangerous Drugs Act of 2002. VICK TANES
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.