CALOOCAN – NABAWI ng awtoridad ang P3.4 milyong halaga ng shabu sa isa umanong notoryus na tulak ng ilegal na droga matapos na maaresto sa isinagawang buy bust operation.
Kinilala ang naarestong suspek na si Unotan RV Barambangan, nasa hustong gulang ng Phase 4, Package 5, Blk 4, Lot 11, Bagong Silang.
Sa ulat, alas-12:30 ng hapon nang isagawa ng pinagsamang mga operatiba ng PDEA RO 4A (RSET at Quezon) at PDEA-BARMM sa pangunguna ni IA3 Christopher Basilio sa koordinasyon sa Caloocan Police Community Precinct (PCP) 3 na pina-mumunuan ni Maj. Raymond Nicolas ang buy bust operation sa harap ng isang restaurant sa Phase 4, Package 4, Brgy. 176, Bagong Silang na nagresulta sa pagkakaaresto sa suspek.
Narekober sa suspek ang limang piraso ng knot tied transparent plastic bag na naglalaman ng hinihinalang shabu na tumitimbang ng 500 gramo at tinatayang nasa P3,400,000 market value ang halaga at dalawang genuine P500 na ginamit bilang boodle buy bust money.
Mahaharap ang suspek sa kasong paglabag sa R.A 9165 o Comprehensive Dangerous Drugs Act of 2002. EVELYN GARCIA
Related posts:
P11.87-M SHABU NASABAT SA NAIA
P163-M SHABU NAKUMPISKA SA FOLLOW-UP NG NPD
EX-COP, 6 PA NAAKTUHAN SA SHABU
GINANG TIKLO SA P500K HALAGA NG SHABU
P3-M HALAGA NG SHABU NAKUMPISKA SA BUY BUST
P400K SHABU NASAMSAM SA 3 KATAO
LADY PUSHER, HULI SA P150,000 HALAGA NG SHABU
PULIS, 11 PA NAAKTUHAN SA PAGSINGHOT NG SHABU
Comments are closed.