INHENYERO NA BIHAG NG SAYYAF LAYA NA

PILIPINO Mirror

SULU – KINUMPIRMA ng militar ang pagpapalaya sa isang district engineer na bihag ng Abu Sayyaf Group  (ASG) sa loob ng ilang buwan sa Latih, Patikul.

Ayon kay Brig. Gen. Cirilito Sobejana, Commander ng Joint Task Force Sulu, bandang alas-08:00 ng uma­ga ay pinalaya si Engr. Enrico Nee, kawani ng District 1 Department of Public Works and Highways.

Si Nee ay dinukot noong Pebrero 14 ng grupo ni Mujir Hadiada at Hatib Sawadjaan.

Si Sawadjaan ang most senior ASG leader na responsable sa abduction ng biktima.

Hindi naman idine­talye ng opisyal ang naging pagpapalaya sa bihag pero kanyang sinabi na bahagi pa rin ito ng intense military operation sa Mindanao partikular na sa Sulu kaya nagkusa ang bandidong grupo na pabayaan na ang biktima.

Matatandaang noong nakaraang linggo lang ay pinalaya ng ASG ang dalawang pulis na kanilang dinukot na sina PO2 Benierose Alvarez at PO1 Dinah Gumahad.

Nabatid na sa kasalukuyan ay may nalalabi pang siyam na hostage ang ASG sa Sulu na kinabibilangan ng isang Dutch, tatlong Indonesian, isang Vietnamese at  apat na Filipino.      VERLIN RUIZ

Related posts:

Al Haj MuradSAYYAF, BIFF KUKUMBINSIHIN PARA SA BOL BAKBAKAN12 SAYYAF NALAGAS SA ENGKUWENTRO shabu5 SAYYAF SAKOTE, SHABU AT PUMP BOATS NAREKOBER Abu SayyafPAARALAN NILUSOB NG SAYYAF, 2 PULIS SUGATAN dead on the spotSAYYAF BULAGTA, KASAMANG BABAE TIKLO Encounter4 SAYYAF, SUNDALO TUMBA SA ENCOUNTER Major Arvin Encinas5 SAYYAF BULAGTA SA ENGKUWENTRO arestadoSAYYAF TIKLO KAHIT UMIIRAL ANG ECQ

Comments are closed.